徐自賢（Jessica）早前頻頻相約好友出外游水，故曬得一身健康膚色，但她坦言非常注意防曬及護膚，免得未老先衰：「搽防曬好緊要，一來可以保護皮膚，二來自己本身白底，所以塊面好易出雀斑，以前曬黑好易白番，但依家新陳代謝慢咗，所以面部防曬我做得好足。」她又表示平日會勤敷面膜，加上現時的面膜敷法很方便，她不會躲懶，免得皮膚太乾難上妝。

徐自賢「易肥易瘦」，笑言不知是好還是壞。

徐自賢尚未有男友，但坦言恨嫁。

問到游水會否穿着三點式，Jessica說：「唔會，游水都係着兩件頭運動型嘅泳衣，始終游起嚟舒服啲，曬太陽嘅話就會着Tube Top，起碼曬起嚟唔會有條泳衣帶印喺度。」問她是否夠膽裸曬，她即說：「唔得，去泰國極其量都只係解開泳衣帶嚟曬，香港就更加唔會，因為沙灘好多一家大細。」

不排除閃電結婚

Jessica坦言對目前的身形未感滿意，會繼續努力喼弗：「最肥嗰陣係21歲，嗰陣啱啱選完華裔小姐，喺北京住咗三個月，食啲嘢都好肥膩。」現年24歲的她坦言還未拍拖，亦未遇上適合對象：「我已經將要求降低，錫我對我好就得，我都有顆恨嫁心，不過同年齡嘅男士好似唔係好成熟，如果依家出現一個自己鍾意又攞住戒指向我求婚嘅男士，我會閃電結婚都未定！」

選美入行影視兩棲

04年參選《華裔小姐》時，被冠以「翻版常盤貴子」稱號，及後有機會與余安安、恬妞等拍攝纖體廣告。她曾演出多部電影，近年簽了新經理人公司的她，參演亞視劇集《法網群英》、旅遊節目《台灣睇．住．玩》及《豪遊天下》﹙圖右一﹚等。

徐自賢（Jessica）

身　　高：171cm

體　　重：49kg

三　　圍：33C、25、34

嗜　　好：跑步、游水、看電影

入行經過：04年參加華裔小姐競選，繼而加入娛樂圈。