林海峰（Jan）在《是但噏》尾場中，誤傷謝安琪（Kay）的腹部：「我涉嫌打到Kay下體，不過我哋係好朋友！」

解讀：肚腩都算下體？爛Gag王真係非你莫屬啦！

官恩娜喺《超級巨聲》同參賽者合唱一曲《Endless Love》大獲好評，佢回應雷頌德嘅讚賞時仲發揮搞笑本色話：「我唱得好有口感！」

解讀：唱歌都有口感？不過聽你唱歌我哋真係好冧！

亞姐大熱門王希瑤被翻出「整容前」舊相，但她竟表示不認得自己以前的樣子：「女大十八變嘛！蔡依林都七十二變啦！」

解讀：細個咩樣都唔記得，但又記得扯蔡依林落水？

曾志偉回應「曹側事件」時妙道：「記住玩還玩，唔好攞政府啲嘢嚟玩！」

解讀：大家要記住志偉嘅訓話：「打還打，唔好打爛公家嘢！」

樂隊Mr.否認抄歌：「如果寫歌畀校長都咁冇誠意，咁就連o靚模都做唔到！」

解讀：明踩o靚模做嘢冇誠意，其實人哋都好搏o架！

文：專案組