昨日方大同舉行《中秋相聚Timeless簽唱會》，雖然患上感冒，但他依然用略帶沙啞的聲音唱歌，還親自餵歌迷食其至愛的素菜，勁冧Fans！Fans則送上「功夫大同」字畫，令他十分開心！為Fans簽名時，大同為免傳播細菌，急急戴上口罩，十分衞生。

大同表示病了四日，一直睇中醫，現已接近痊愈。由於即將在台灣舉行演唱會，故昨日雖是中秋節，但他仍要練歌，未有慶祝。問到現實中可有餵過女友？大同說：「有次煮緊嘢畀女友試食，但唔係為餵而餵，不過都幾Sweet。」

唔覺薛凱琪情困

對於有傳緋聞女友薛凱琪（Fiona）與房祖名分手，大同說：「唔知佢哋一齊過。（呢排Fiona唔開心？）唔覺，冇特別！雖然出面話我哋係緋聞三角戀，但我哋其實係好朋友。」

文、攝：音樂組