剛度過25歲生日的傅穎，早前舉行生日會與Fans歡度，當日傅穎收生日禮物收到手軟。傅穎既感激又感動：「每份禮物我都會珍而重之咁拆，其實我有叫Fans將啲錢捐去慈善機構，佢哋有咁做，但佢哋亦有送禮物畀我，我好開心！」她坦言Fans甚具藝術天分：「好多都係自製禮物，有一隻係手織熊公仔，好有心思，佢哋知我唔鍾意鮮花，就會手織玫瑰花送畀我，佢哋真係好犀利。」歌迷知她愛得意鴨公仔，便紛紛送上鴨公仔文具、沖涼用品及紙巾套等，她說：「我覺得禮物唔需要太貴重，反而着重心思！」