由唐國強飾演毛澤東、張國立飾演蔣介石的電影《建國大業》，昨晚舉行慈善首映，吸引楊受成、吳君如、張同祖與陳德森等捧場。

劉德華上月底拖朱麗倩返港，令「瞞婚」一事爆煲！

英皇老闆楊受成昨晚出席慈善首映。

深居簡出近3星期的劉德華，昨晚終出席公開活動，以一身中山裝亮相。因瞞婚而被封為「大話天王」的他，全晚神情拘謹，樣子憔悴之餘，受訪時更緊張得多次用手按着胸口，問到是否覺得連累楊千嬅婚事曝光，他瞪大雙眼說：「冇乜嘢，OK，近排冇見過佢，冇打電話畀佢。（收咗咩結婚禮物？）生日禮物就有，但唔會講係咩。（生日點過？）年年都係咁，同屋企人食飯。」

聞喻可欣封嘴

問到「避世」期間想甚麼，劉德華說：「國家大事，要諗㗎！嚟緊我有好多工作安排，10月底、11月復工。（朱麗倩嘅人工受孕搞成點？）唔好問呢啲。（喻可欣攞你啲信物去拍賣？）唔答。（Fans支持度多咗定少咗？）我同Fans嘅事，係我哋之間嘅事。」