早前「四葉女」龔嘉欣（Katy）與家人到新加坡度假，近幾個月工作量大增的她坦言，難得有假期當然要去旅行，絕對不能慳住使，她說：「差唔多成年都冇去旅行，之前都係因為工作原因先有得出埠，今次真係同屋企人去Relax，所以都決定要使豪啲！我哋去咗當地一間幾出名嘅Spa，全身按摩同磨沙一個鐘要成二千幾蚊港幣，對於我嚟講都算好豪㗎喇！同埋佢都用咗啲有牌子嘅按摩油，真係一分錢一分貨，按摩完之後啲皮膚真係白滑咗，而且又冇一般按摩油咁『立』，真係唔錯！」
為了盡情享受，Katy還入住當地一間豪華度假屋，她說：「我住嗰間酒店張床係King Size，出面仲有個勁靚嘅沙灘，曬完太陽一輪之後行幾步就可以返到自己間房，真係勁歎！」
