緋聞情侶陳奕迅（Eason）及謝安琪（Kay）前晚錄影《勁歌優秀選第二回》，二人刻意避忌，即使在化妝間碰面亦鮮有交談，Eason見有記者在化妝間門外拍照，即狂擺甫士，及後才返回化妝間內並關上房門。他坦言自緋聞傳出後有所避忌：「以前同Kay一路有聯絡，但緋聞之後就好耐冇聯絡，雖然講出嚟好荒謬，不過我個立場係唔可以影響屋企人同個女！我哋遲啲會合唱，首歌係宣揚關注思覺失調病人，其實我考慮咗好耐，但為慈善都冇所謂！（緋聞影響徐濠縈？）咁多年感情好堅固！」