蔡卓妍（阿Sa）及古巨基前晚抱恙出席《2009勁歌金曲優秀選第二回》，同場還有容祖兒、泳兒、方大同及張敬軒等。奪兩獎的祖兒以性感Deep V示人，雖然被安排坐於患病的基仔身旁，但勇字當頭的她卻未有戴上口罩，事後她說：「唔驚被傳染！身邊個個都病，不過我冇事！」稍後將飛往福州為中秋晚會演出的她，回港即要綵排十周年演唱會：「到時可能請古Sir，我爭人好多飛債，好慘！（Deep V有冇做防走光措施？）冇呀！信得過場地，相信唔會有人扯開我件衫，仲信得過我嘅身材唔會出事！」

阿Sa否認戴求婚戒指

神情呆滯的基仔表示，早上已有發冷感覺，入院檢查證實發燒：「燒到103度，做咗流感測試，好彩唔係豬流感（H1N1甲型流感）！為安全抽咗血去驗，要等報告先知咩事，我估係食咗未煮嘅嘢感染。」同樣抱病上陣的阿Sa，因病致聲音變沉，故大會特意不用她演唱得獎歌，事後她表示助手接二連三病倒：「之前又連續幾晚開夜班戲，懷疑咁交叉感染，我都想度期休息，但之後要飛所以好難！（怕上唔到機？）所以醫生特登開咗特敏福畀我！」有傳已戴上男友鄭中基求婚婚戒的阿Sa，否認此事：「當日有另一間媒體喺度，影到我隻手根本冇戴戒指，唔可以屈我！（雙方父親見面？）佢哋識得有幾奇，我爸爸都係做呢行！」

泳兒以斜膊裙上陣，大晒青春氣息。	側田(右)與軒仔獻唱得獎歌曲，大鬥唱功。	放大圖片