傅穎（Theresa）昨日與半百歌迷預祝明天生日，將踏入25歲的她覺得自己老，要保持心境開朗：「今年發生好多事，希望過生日後，事業同愛情有新景象，但依家冇人追。（擇偶條件？）誠信好緊要。（怕再遇愛情騙子？）唔好提。」
因有傳會被金牌大風放棄，問到合約時，Theresa吞吞吐吐地說：「大家仲係合作關係。（幾時約滿？）再講。（有冇傾續約？）再講，今日生日Party開心。（想唔想公司送合約做禮物？）希望大家Keep友好關係。」對於好友楊愛瑾（Miki）跳槽後怨金牌冇人情味，Theresa表示會約食飯祝Miki有新開始。
