昨日周麗淇（Niki）出席I.T旗下Isabel Marant舉行09秋冬時裝騷，身着背心皮草的她不停嗌熱，問到夏天時會否怕男人大汗，她說：「一定接受唔到！有汗就有狐味，寧願揀男人有大肚腩都唔要有狐味，做我男友最忌禿頭同有狐味！（十個光頭九個富？）咁有錢就整吓個頭啦！」被問到家姐周汶錡近況，Niki說：「一樣係咁，好開心。（仲同Julien一齊？）乜佢有過第二個咩？」同場的吳雨霏瘦了不少，她表示已做檢查：「最近心口痛，醫生話我胸骨比較偏同近內臟，有乜唔妥可以做手術矯正胸骨。」