20/09/2009

播放本新聞相關短片

趙碩之冇幫Yumi解凍

早前被公司雪藏的趙碩之前晚出席鞋騷,問到是否向老闆哭求解凍,她澄清說:「當日係老闆嘅生日Dinner,戴夢夢同老闆秘書撮合我同老闆合唱,之後我向佢道歉同問有冇嬲,佢話對外唔好講自己人,呢樣嘢係我一直冇留意。(求老闆放生埋Yumi尹蓁晞?)我唔敢咁講,因為我都冇叫老闆放生自己,我幫唔到佢,要靠佢自己,希望佢快啲冇事!(Yumi有冇出席?)冇,公司同事有叫佢嚟。」當問到Yumi為何不出現時,怕講錯說話的碩之即向助手求救,助手即解釋Yumi當日身體不適。雖然剛復工,但碩之表示不斷有新工作,包括參演賀歲片及為另一部戲任女主角。