有「o靚界女神」之稱嘅楊穎（Angelababy），喺日本發展得愈來愈好，之前去東京行Tokyo Girls Collection時裝騷，行足五場，遠遠拋離對手周秀娜同諸葛梓岐！20歲出頭就咁紅，以閱星無數嘅小小So嚟睇，真係好易迷失方向而恃寵生驕，好彩Baby仍然做番自己，無論對身邊嘅朋友甚至Fans，都一樣咁親切。
前排Baby難得喺香港，唔使周圍飛，佢出席公開活動嗰陣，有大批Fans撐場，Baby同小小So講話好掛住香港啲Fans，因為成日去日本工作已經好耐冇見，嗰日原本佢要趕下個活動，佢都叫經理人畀少少時間佢同Fans傾偈，期間收到Fans禮物仲開心到唔捨得放手，「女神」咁識做，唔怪得咁得人鍾意啦！