模特兒Mandy Lieu在又一城為Anteprima Wirebag 、Atsuro Tayama及BCBG Maxazria等名牌行騷，消瘦不少的她表示，由上海工作返港後即出現屙嘔情況，幸好並非患上豬流感：「我睇咗醫生，只係胃部受細菌感染。我一落機就病，嗰幾日就不停瞓覺。」
當時男友陳柏霖身在四川工作未能照顧她，問她患病時有否特別思念男友，她笑說：「冇喎！我淨係掛住瞓同想快啲好番。」提到近期Angelababy、諸葛梓岐以及周秀娜紛紛攻日，不過，Mandy卻無意赴日發展：「香港所有嘢都發展得好好，工作好開心。（嗰邊騷價好？）唔可以咁比較，開心就得。（開心重要過錢？）係呀！」
