鄺美雲（Cally）前晚率領陳煒、陳嘉容及影壇新人陳嘉桓出席《Masterpiece完美鑑賞之夜》，展示七組由她設計的新款珠寶首飾，其愛犬Cash更戴上刻有其名、鑲有百多卡寶石的鑽石鏈示人。雖然已定居台灣，但陳煒仍應Cally邀請擔任模特兒，她笑言因老公出Trip而樂得清閒：「一個人喺台灣好悶，之前要照顧老公而冇時間，依家佢出咗Trip可以輕鬆啲，所以就接呢個騷。（唔可以離開老公太耐？）係佢唔可以離開我太耐！」

鄺美雲（右起）找來陳煒與陳嘉桓行騷，示範自家設計的珠寶。

帶同愛犬出騷的鄺美雲表示，不少人找她為寵物設計首飾。

提到造人計劃，煒哥透露已有全盤計劃，但礙於丈夫工作太忙故未能實行：「我唔急，但係屋企人就急啲。（跟老公出Trip咪順手造人？）佢工作時好緊張，呢啲事要喺冇壓力下進行。今次返港除咗行騷，仲有同嘉桓一齊學詠春！我年紀都唔細又成日坐，希望學詠春後對身體同生小朋友都有幫助啦！」

鄺美雲愛犬做公關

Cally表示愛犬Cash平日也有到珠寶店幫手招呼客人，每當客人讚賞首飾櫃內的珠寶時也會錫對方一啖：「佢每次返公司都會戴住條鑽石鏈，條鏈就好似佢嘅工作證咁，依家好多客都會搵我幫佢哋設計首飾畀寵物！」

同場的陳嘉桓則透露下月將與樊少皇等拍攝新片《葉問前傳》，飾演葉問的小師妹，不擔心外界會將她與熊黛林作比較，現時每天也要為該片練功六、七小時。