黃宗澤（Bosco）是圈中公認皮膚好的男星，除因得天獨厚外，原來他擁有獨門護膚法寶—阿媽靚湯。無論Bosco工作有多忙碌，阿媽一定逼他飲湯，一滴也不能浪費，他說：「阿媽每日都煲啲無敵靚湯畀我飲，最鍾意煲花膠、雞腳同豬尾湯，阿媽話呢啲湯水含膠質成分，既可以養顏，對皮膚又好！」
Bosco自言是個不姿整的人，可以的話，寧願每天也不用化妝，不過他認為保濕對男人來說十分重要，所以必定會搽保濕霜。不過Bosco都有弱點，他汗腺特別發達，他表示到現在也未能找到解決方法，惟有每次出門前都會狂噴止汗劑和自備手巾抹汗，他說：「好彩我汗味唔大，唔係『狐人隊』，唔係就醜死怪！」
