本文重點
每個人興趣不同，有人喜歡打機或睇戲，郭穎橋就喜歡影相，捕捉她的Happy Moment！
郭穎橋喜歡行街，不過並非Shopping，而是喜歡拿起單鏡反光機，把一切所見所聞盡收相片中。最近阿橋忙於錄音，搞到精神緊張，為了減壓，她收工後即到彌敦道附近的公園左影右影，見到遍地小菊盛開，她即按下快門，把小菊最美一刻拍下，照片層次分明，色澤柔潤，甚具水準，能拍得如此一幀美作，令阿橋喜不自勝：「原來我影相都幾專業，真係好滿意。」
願望舉行攝影展
自言最喜歡影景的阿橋，也喜歡在街上拍攝人生百態：「有啲人會喺街上笑，有啲人會拖住手拍拖，有啲會喺街上高談闊論，不過大部分人都係急促咁行，香港人生活節奏太快喇！唔夠Relax，我就係想影低最真實一面。」這天阿橋拿着相機四圍影，過了既愉快又充實的一天，她為了提高水準，最近還不斷看攝影書籍，望有一天能夠舉行攝影展。
