被莊思敏狠踩的一眾o靚模表現相當大方，當中鍾蕙芝（Lavina）說：「佢講得啱呀！如果唔係四肢健全，又點可以行騷呢？其實我哋都有同莊思敏傾偈，佢有教我哋行騷！（佢係咪前後兩個樣？）唔清楚，大家自己睇！」而胡心諾（Rainbow）則說：「我知每次客戶搵我哋，都有客戶嘅原因，我相信我係一個四肢健全、身心健康嘅人，客戶眼睛雪亮，不過我唔覺得佢係針對我哋。」
周凱盈（Monique）則說：「我覺得佢嘅意思可能係想講每個人都有機會，睇吓自己識唔識得爭取，其實我冇親耳聽到，都唔知佢講過乜，咪當係激勵說話囉！」
同場的Roxanne及Suey被問到對莊思敏感覺，兩人均異口同聲表示，在後台沒有感覺到她的態度有問題，大家更有傾偈談天。