20/09/2009

播放本新聞相關短片

陳嘉容 Mikki樂意教後輩Catwalk

對於莊思敏指「有四肢都可以學Catwalk」的言論,陳嘉容亦認同:「就算普通人學Catwalk都冇壞,可以學吓姿態,學Catwalk同做模特兒係兩回事。」至於會否介意與o靚模同場,她說:「唔介意,都係做嘢啫!大家巿場都唔同,就算依家比較多客搵o靚模行騷,可能係想玩噱頭,而我哋比較專業,係High Fashion,有自己顧客。」

另外,Mikki姚予晴(前名姚書軼)前晚為又一城行時裝騷,她表示模特兒有很多種,但要行大騷就必須有一定的高度。問到會否介意與o靚模同場,她說:「以前輩身份教後輩,我唔會介意,亦好樂意盡力去教。我之前公司搞模特兒大賽,都有教參賽者行Catwalk,佢哋有啲都唔高,但好可愛,我會因應個人嘅特質去教,依家o靚模都有好多機會行騷,有啲年輕嘅品牌或者Cosplay都會搵佢哋。(會唔會覺得莊思敏講得有啲過火?)我冇睇到或聽過佢講呢啲嘢,我諗佢唔會咁負面去講嘢。」