台灣三位樂壇大哥陳昇、張宇同黃品源早排嚟香港做騷,叫好又叫座,個個睇完都聽出耳油,仲叫佢哋快啲加場!雖然小小So上次無緣欣賞,但係等咗兩個月,佢哋終於決定本月底喺紅館加開一場!趁三位大哥嚟香港宣傳,小小So當然要搵佢哋傾吓偈啦!
小小So:今次加場有冇加酬勞先?
張宇:冇呀!所以我哋頭先出席活動嗰陣塊面先會咁黑,哈哈!
小小So:你哋冇向主辦單位要求咩?
陳昇:你知唔知道點解佢哋要搵我哋演出?因為一個唔唱,另外兩個會打佢!
小小So:真係?你畀人打?
陳昇:哎呀!我以為佢哋要請趙傳,但價錢唔啱,又好似叫過伍佰,但伍佰唔想同佢哋合作!
小小So:但係加一場實在太少了喇?
黃品源:其實每場嘅觀眾都一樣,我哋相信今次嚟嘅觀眾即係上次睇過嘅人,所以沒把握再加!
三位大哥果然係「冷面笑匠」,連小小So都差啲招架唔住!就快又「是但噏」嘅林海峰,不妨考慮請佢哋做嘉賓,分分鐘可以開拓埋台灣市場繼續「噏」!