關紫藍（Asa）雖然只得32A上圍，但她充滿自信，難道不怕身材被o靚模比下去？她笑說：「我係Sell青春、笑容同內涵，唔介意畀人話。（做定心理準備？）預咗有呢啲新聞，最緊要唔好太負面，始終未有呢啲經驗。」有指木瓜奶有助上圍發育，Asa亦略有所聞，現時更絞盡腦汁努力做後天補救，她說：「有朋友教我臨瞓前飲奶同做多啲運動，我依家晚晚都飲奶，希望有幫助。（有成績未？）暫時未見效果，相信要飲一段時間先得。」

雖然起初遭父母反對入行，但無損Asa闖星途的決心。	Asa自知身材未能在群模中「凸」圍而出，遂晚晚飲奶作後天補救。	Asa初入行即有機會推出寫真集《Salala's》。

父母曾反對入行

只得18歲的Asa青春逼人，雖已入行，但她強調以學業為重：「依家仲要讀多兩年大學，好開心同公司溝通好。」身為獨女的Asa透露入行前曾遭父母阻止：「開頭好擔心，覺得呢行好複雜，不過經理人公司同佢哋解釋同傾過，佢哋先放心，我接Job都會問過佢哋。」

處女演出獻陳柏宇

Asa去年認識一位從事幕後的朋友，經介紹下處女下海擔任歌手陳柏宇歌曲《永久保存》MV，飾演對方的同學，繼而獲模特兒公司簽短期約做兼職模特兒。期間，Asa獲推薦到現時的經理人公司試鏡，在眾多競爭對手下成功突圍簽約，並於今年書展推出寫真集。

Profile

姓　　名：關紫藍（Asa）

出生日期：28-09-1990

三　　圍：32A、24、31

語　　言：廣東話、普通話、英文

身　　高：163cm

嗜　　好：跳舞、戲劇

文：音樂組

攝：倪立煌

服裝：NAMI