昨日《2009香港小姐競選》十位候選佳麗出席大會指定專用護膚產品《雪完美－美麗故事　由您創造》記者會，遇上以嘉賓身份出席的白韻琴，竟被不留情面勁彈！白姐姐代表謝偉俊出席，並給佳麗一個「總評」：「個個都可以做『友誼小姐』，冇殺傷力，以前嗰啲靚好多，好似朱玲玲咁，甚至落選嘅鍾楚紅都靚，唔靚都有性格，依家啲靚女唔知去晒邊！（做o靚模囉！）幾靚呀！好似周秀娜咁，我係男仔都鍾意。」猶幸獲品牌代言人李彩華大讚皮膚好，真人比上鏡靚，為佳麗挽回不少分數！

袁嘉敏知道被踩後，即時嘴扁扁打圓場。	陳煒對於娘家亞視減人工，大感無奈。	白姐姐勁彈十位候選港姐，絕對冇面畀！

袁嘉敏死撐夠親切

對於被批評是「友誼小姐」質素，(10)李姿敏初時以為是讚美：「開心佢咁講，我哋相處得好好。」當記者告知白姐姐的意思是指佳麗不夠靚，她即死兜：「揀得我哋入圍都係靚，對自己有信心。」(9)袁嘉敏則說：「港姐唔使殺傷力，係要友善平易近人嘅靚，例如笑容好、眼神親切。」而周秀娜即多謝白姐姐讚賞：「好開心佢抬舉我，我會繼續努力。」

周秀娜被白姐姐讚索過港姐，開心不已！ 資料圖片	李彩華打扮及艷光更勝一班港姐佳麗。	十位候選港姐昨日悉心打扮出席記者會。

此外，已嫁到台灣的陳煒昨日以品牌代言人身份出席記者會，對於亞視藝員要減人工，她說：「離晒譜！不過亞視係要睇餸食飯，我知佢哋有心做好製作，希望可以最小本錢有最大得益。」亞視高層葉家寶則表示並非所有藝員減人工，戚黛黛及姜皓文是加騷例子，薪酬調整人人不同。

文：影視組