剛出新碟《多一點　泳兒　Vincy》的泳兒（Vincy），昨日在大型商場舉行簽唱會，吸引大批歌迷及途人圍觀。對於日本著名藝人酒井法子懷疑吸毒被通緝及失蹤多日，更於昨晚主動向日本警方自首，泳兒表示雖然不是酒井Fans，但亦關注事件，她說：「我覺得好可惜，如果真係吸毒，身為媽咪都唔係一個好榜樣，我都知道藝人要面對好大壓力，亦都聽過圈中人會吸毒發洩，但係其實可以用健康嘅方法減壓！」

泳兒舉行簽唱會，獲師弟鄭家維撐場。

密實打扮的泳兒，坦言會從衣着入手防止鹹豬手。

她直指吸毒會令家人及歌迷擔心，而她亦十分潔身自愛，只會打泰拳減壓：「有時仲打到成身瘀(口架)！」

密實防「鹹豬手」

另外，由於早前接二連三有女藝人在公眾場所被非禮，昨日Vincy亦醒目地以密實打扮示人。大會安排歌迷上台玩遊戲，不過Vincy無懼被「突襲」，表現投入，她坦言已從衣着入手防「鹹豬手」：「做人多嘅活動會着多啲布，少布就留番上台先着！（加強人手？）保安會多啲！」而她更對歌迷充滿信心，亦有危機意識，強調會留意可疑人物：「我有晒心理準備，不過冇得驚！玩遊戲梗係要投入啲先得，歌迷會買碟同以聲音支持我！」

文、攝：音樂組