向來深得女Fans擁戴的尊尼，在改編自真人真事的新片《大》片中，飾演美國30年代大蕭條期間的傳奇人物─銀行大盜尊狄凌格。當年專門打劫銀行的尊狄凌格，大膽之舉卻風靡全國，被視為英雄。雖然如此，但尊尼仍認為他是一名罪犯：「我希望觀眾睇完套戲，知道尊狄凌格同埋佢所做嘅事情。」尊尼表示年幼時亦幻想過做劫富濟貧的英雄，更笑言已經做了25年：「我以前好霉，地盤、印刷、入油等乜都做過，做到隻牛咁賺得少少，直到86年入行，我就開始『劫富』！」說罷亦不禁大笑起來！

恨與基斯頓合作

對於兩位新拍檔瑪莉安歌迪雅和基斯頓比爾，尊尼有讚冇彈，直指兩位都是好戲之人：「瑪莉安真係好有才華，尤其一對眼睛好識做戲，亦好欣賞佢嘅投入，我好鍾意佢嘅英文口音，好正！」他透露開工期間亦有用法文與瑪莉安聊天，一解對方思鄉之意，但在片場多以英文溝通。尊尼透露當知道與基斯頓合作時，非常興奮，又大讚對方的演技了得，可惜兩人只有一場對手戲，並期待再次合作。

尊尼表示入行多年來幸得Fans的支持與愛戴，才可以在電影圈內生存：「我真係非常、非常多謝佢哋，冇咗佢哋我都唔會有今日。我真係欠佢哋好多，係Fans嘅支持，我先可以長做長有。」當被問到如果可以像片中的大盜入銀行不會被發現，會想到哪裏？尊尼興奮地說：「同仔女去迪士尼樂園，玩晒全部機動遊戲。」因每次去到都要左閃右避。對於有傳《魔盜王》將開拍第四集，他透露只要有好劇本，便有機會拍。