十二位港男昨日以「激凸」三角泳褲進行總綵排，(1)陳偉洪更靠「雄風凸圍」，而(14)鄭智鍵、(6)鄭子揚、(8)李偉健及(12)呂庭鋒則「肌味」十足，相反(3)陳子仁不但冇肌肉，還露出小肚腩，而擁有巨胸的(9)林建邦雖然谷胸，但其胸部卻呈「大細邊」。陳子仁坦承身形較輸蝕：「我係瘦底，點操都冇用！我身形係較失色，希望其他可以彌補番！（例如？）笑容！」
此外，日前有報道指J吳雲甫被女性朋友圍摷，他解釋：「嗰日同朋友喺卡拉OK玩，佢哋知我怕唧，所以夾攻唧我！我細個係爛玩，所以畀人登咗我玩得激烈嘅相！（影響賽果？）唔怕！志在參與，如果輸咗有得賴！」至於今晚擔任表演嘉賓的高鈞賢表示，連日也有留意吳雲甫的新聞，他揚言對方條件好才備受關注。
