第五年為港男選舉擔任評判的周倩圯，早前先後到Karen Millen、Lanvin、 MaxMara及Loewe等揀戰衣，她更專揀低胸或露膊款式搶「峰」頭。事後她接受訪問時仍為挑選衣服懊惱：「我都仲未諗到着乜！又唔想太過Casual，但太高貴又好似誇張得滯！」她又表示每年的港男參賽者均不同，故不感厭悶，更經常出現驚喜：「我做評判嘅準則係臨場表現兼要有內涵，仲有睇吓發唔發揮到水準，希望參賽者唔好喺自選項目揀唱歌，因為好悶！」