最近有指嫩模Lavina（鍾蕙芝）搭上闊少William，不過William前日發聲明澄清二人只是工作關係，昨日更有一名自稱是William女友的Fiona Woo以她、William及「老爺」劉璜的名義發聲明，力證男友冇越軌，更自言已為William懷下身孕，更羅列出自己、William及「老爺」劉璜的電話號碼。Fiona的聲明指跟同居男友William Lau的感情要好，她已懷了5個月身孕，將於12月分娩，她更醋意大發，矛頭直指Lavina：「希望有些女孩子不要因為本人男友或老爺有supercar有獨立House就企圖接近追求本人男友，以及通知傳媒追蹤報導。」又力證男友跟Lavina只限於「上周一問William借林寶堅尼影相，並無其他下文」。

劉德俊與Fiona合照曝光，狀甚親密。	本報日前撞破Lavina與William撐枱腳，當時女方還一臉愕然。 資料圖片	William昨晚頭耷耷，相反Lavina則笑笑口。

自覺惹桃花劫

記者昨日以Fiona提供的電話致電William，他大感驚訝，並要求得知內容：「如果係我女朋友，佢唔會做呢啲嘢，我唔知有呢段聲明！」對於Fiona是否其女友？他不置可否：「我惹出嚟嘅禍，我會負責，唔想騷擾到我屋企人。」他強調並冇追求Lavina：「我同佢見過兩次面，唔知點解咁巧合畀傳媒撞到，我覺得被擺上枱！」問到是否激嬲女友？他表示家人很無奈，他自覺惹桃花劫！身為鴻基製作公司老闆的他說：「呢件事後，可能會取消合作！」昨晚記者在其製作公司等候時，William說：「今次真係大整蠱！」

放大圖片	William及Fiona近日分別發聲明，與Lavina劃清界線。

記者致電Fiona，問到是否呷醋而發聲明？她暗寸Lavina：「我想人知呢啲手法，明眼人都睇到！」她直認跟William同居及懷有BB，更希望9月結婚，但仍未落實。問到有否讓朋友知道她發聲明？她說：「我有同佢講！（William話唔知？）咁奇怪，可能係佢公司啲人冇通知佢！」半小時後她卻改口風，強調冇發聲明：「我以為記者所指嘅係William份聲明，一場誤會！（朋友代出頭？）咁好？不過聲明啲內容啱嘅！」

Lavina接受電話訪問時，強調與William只是朋友，食飯是正常社交，對於被指放料？她說：「呢排成日畀人跟，唔會特別避，會過正常生活！」她又強調剛知道William有女友，又表示雙方不熟悉：「佢唔係我嘅心儀對象，我唔會鍾意有女友嘅人！」她表示短期內不會再見William。