鄧麗欣的新作《陪著我走》被網友列出書中不少錯別字，更被網友狠批為今年書展的大笑話。昨日Stephy、方珈悠及李蘊等出席公開活動，與書迷分享睇書及寫作的心得時，Stephy明顯受錯別字事件影響，全程鬱鬱寡歡。她接受傳媒訪問時，未待記者開口已即時主動道歉：「首先我好認真咁抱歉，今次係一時疏忽！」

方力申護「女」心切，力撐Stephy已知錯。	金牌大風承諾日內會更換「正字版」給歌迷。	Stephy坦言寫錯字有愧於歌迷。

更正版日內推出

她解釋為及時趕起稿件，故棄用手寫板，改以普通話語拼音輸入法：「我寫完冇重複睇，太依賴校對！（被質疑才女身份？）係一時錯漏，因為打拼音㩒錯掣，抱歉！（即係道歉？）係，我道歉！唔好意思！」

Stephy三度致歉以表誠意，更坦言沒想過再與傅穎比較，當務之急只想作出補償，亦不擔心因負面新聞會引發情緒病：「我好樂觀，今次係學習機會，有錯就要認！」

至於唱片公司金牌大風發言人陳小姐表示，今次錯誤全因公司校對：「今次本書係公司負責校對，其實校對已經對好，但係就誤將原稿畀咗印刷商！公司已經同校對同事了解過，日內會印番經過校對的版本畀買咗書嘅人更換，詳情會喺金牌大風網頁同埋Stephy嘅Blog度公布！」至於責任誰屬，她表示公司自有安排，為了讀者亦不會計較重印的損失。Stephy亦不會責怪該校對同事：「係經驗問題，唔夠專業！」她亦感激公開錯別字的人，激勵她要學習倉頡輸入法。

方力申力撐到底

此外，Stephy的緋聞男友方力申亦力撐對方，並得悉她已公開道歉：「今次係公司第一次出書，冇搵專業人士校對，當係一次經驗啦！」