身穿貼身激凸背心、腳襯5吋高踭鞋的Race，昨日親身宣傳寫真集《我．黃婉佩》，更化身售貨員，拿着咪在攤位前叫賣：「快啲嚟買啦！賣88蚊咋！」吸引不少粉絲購買，不過由於圍觀者眾，為免引起混亂，她逗留了10分鐘便離開！

DJ Ekee（左）與Wing吸引逾百書迷捧場。	Race在書展出巡時吸引大批書迷圍觀，寸步難移。	Race的寫真集性感迷人，不乏捧場客。

其後，她到簽名區舉行簽名會，吸引半百粉絲排隊，但同一時間，兩名電台DJ黃承恩（Ekee）及張詠妍（Wing）在附近舉行簽名會，而且粉絲人數逾百，Race的聲勢被比下去！對於人氣不及DJ，Race說：「有歌迷喺網上留言話要返工嚟唔到，我都想去睇吓佢哋（DJ）賣咩書，支持吓佢哋！我冇唔開心，因為冇乜期望，但唔係冇信心！」

堅稱售出7千本

雖然風頭被比下去，但工作人員指Race的寫真集印了2萬本，截至昨日已售出7千本，對於有傳嫩模篤數，Race說：「都唔知係咪真！希望大家都好賣，如果有人賣得10本，我都會唔開心！（嫩模搶你客仔？）咁我又唔會咁諗！我第一次出寫真，賣1千或1萬本都開心，最重要自己滿意個作品！」

對於周秀娜揚言吻謝支持者，問到有甚麼招數，Race說：「我冇諗呀！不過我下個月生日，籌備緊同歌迷慶祝囉！（你靠實力？）鍾意你本書嘅人自然會買，唔鍾意嘅，送吻都唔會有人買！」