向來喜歡追星的「何家索女」何超蓮，昨日陪同兩位好姊妹到書展撐周柏豪的新書簽名會，由於超蓮十分低調，連周柏豪亦未有留意對方捧場。約下午二時，記者發現超蓮拿着大袋書現身會展，滿載而歸地說：「我哋行咗好耐！買咗本《快樂廚房》，又陪朋友嚟搵周柏豪簽名同影相。（佢知唔知你係邊個？）可能佢唔知！（點解冇男仔陪你嚟？）其實我哋三個都單身！」

Yumi（右）與Melody獲老闆撐場，更翹實老闆拍照。	為新書舉行簽名會的周柏豪，有大批Fans支持。	超蓮低調到書展買書，收穫豐富。

有存在價值

對於o靚模寫真成行成市，超蓮坦言沒有興趣：「我唔會反感！但佢哋吸引唔到我呢一層嘅人，不過佢哋有佢哋嘅存在價值！」她又透露早前爸爸何鴻燊送贈的兩層澳門樓，暫時用作收租之用。

放大圖片	林建名拖子女到場內購買特價英文書。	Melody見有大批記者在場，即俯身搶Yumi（右）風頭。

而周柏豪的新書簽名會則吸引逾百歌迷撐場，他表示首次見超蓮真人，大讚對方好靚、好Nice又好Sweet。他透露書內有一張14歲時拍下的大膽相，相中他只穿着內褲，抱着小狗遮掩私人部位，意識大膽，他笑說：「赤裸都夠膽，以前去沙灘畀朋友偷影過，啲相超級保密，相信佢哋唔會出賣我！」

寸Kama派奶

另外，Yumi及陳若嵐（Melody）昨日獲老闆林建名撐場，Yumi暗寸羅凱珊（Kama）派奶：「派雪糕冇問題，但奶未必個個受到，唔知咩用途？咁熱飲奶飲到嘔咪好慘！（有傳寫真集篤數？）冇意思，我哋唔做啲旁門左道嘢，如果我賣出二萬本，我可能會派飛吻㗎！」而林建名撐完o靚模場後，再被發現帶同細女煒廷及細仔孝信在場內買特價英文書，孝信坦言沒有看過Yumi的寫真集：「唔鍾意o靚模！」即被老竇踢爆：「佢自己都大把模啦！（仔仔早前畀人影到同女仔一齊！）吓？唔知噃！佢靚仔又有型過我。」