焦媛趁舞台劇《容易受傷的女人》未重演之際，早前偕媽媽及姐姐組成全女班到歐洲尋幽探秘。慳家的她直言被名牌手袋吸引，但由於歐元高企，令她不敢放肆，惟有改坐路邊的Cafe：「三個人一齊靚仔囉！」

焦媛歐遊瘋狂吃喝玩樂，盡興而返。

放大圖片

接受無上裝演出

今次的親子樂令焦媛盡興而返，她更花上數千元，入場觀賞聞名的《癲馬夜總會》艷舞表演：「嗰啲無上裝女仔好專業，睇到人拍案叫絕，就算成千蚊張飛都值回票價！（接受無上裝演戲？）我冇所謂喎！都係一種藝術嚟，不過擔心香港觀眾接唔接受到囉！」

據知，她曾打算相約男友高志森在當地遊學的女兒碰面，但最終卻因時間問題而緣慳一面！原來她與男友的兩個女兒也保持聯絡，感情也不錯呢！