年屆33歲的側田，雖然工作繁忙，但每年生日都會抽空與歌迷歡聚。日前「田迷」為他大搞驚喜派對，推出「結他蛋糕」為偶像慶生，令側田笑逐顏開。每年側田都對歌迷作出承諾，但到今年仍未實現，他尷尬地說：「我又唔記得整首會歌，講咗好多年，希望嚟緊做到。」生日派對上，側田與歌迷大合唱、影合照及玩遊戲等，側田還充當侍應替歌迷分派美食。切生日蛋糕時，有小妹妹送上Birthday Kiss冧爆側田，而側田也錫了對方一啖，令Fans大呷乾醋。

羨慕Fans結婚生BB

雖然緋聞女友曾雪華並沒有現身，但側田仍玩得不亦樂乎，眼見不少歌迷跟隨他多年，側田感慨地說：「有啲Fans由未結婚到結咗婚，甚至有埋小朋友，大家睇住對方成長。（幾時到你？）有排！（心急？）都想嘅。」問到生日如何度過？側田說：「同屋企人過呀！佢哋都畀咗驚喜我。（曾小姐在場？）唔喺度，但佢有講生日快樂。（收禮物？）今年冇乜人送禮物畀我喎！」

文：German

攝：謝國華

場地：Face Club@尖沙咀