男子組合Square成員James、Gary、Rex和Brian日前為新歌《失戀排舞師》排舞，期間，大批Fans突然現身探班，送上蛋糕為James補祝生日，令他十分驚喜。

Square排舞期間，Fans突然現身送上蛋糕給壽星仔James。	放大圖片	Fans前來探班，Square識做影大合照。

眾人合唱生日歌，又排隊送禮物，更有男Fans送上由五碌香腸紮成的巨型香腸，James見狀大笑不已，更揸實唔放！

其後Fans播放一隻VCD，原來Fans好有心，搵了Kama、A.Lin、李蘊及陳偉霆等拍短片祝賀，陳偉霆取笑James拍戲時獲舒淇照顧，令James哭笑不得，當James見到Kama的短片時，更笑不攏嘴，對於Kama祝他快高長大，James笑說：「佢打嚟同我講生日快樂，仲話請我食飯，有拖冇欠喎！」他的生日願望是工作順利、Square早日有好成績及有更多拍電影的機會。

濕身拍MV

此外，Square表示將於年底出新碟，新歌《失戀治療師》是一首輕快歌曲，更邀得女模合拍MV，四子說：「MV有少少濕身，始終入行第二年要成熟啲，性感少少，不過都想Fans將注意力放喺歌曲上。」

文、攝：音樂組