容祖兒、Eason及曹格等前晚錄影《勁歌金曲》，被問到對何韻詩承認同性戀的看法時，祖兒說：「佢玩遊戲嘛！唔知佢講真定講假，所以唔回應。（支持同性戀？）呢個世代唔好問呢啲無聊、膚淺問題啦！冇話贊成定反對，就好似有人鍾意食辣，有人唔鍾意。（鼓勵公開？）冇話鼓唔鼓勵，每個人性格唔同，性格影響行為，作為朋友就會支持佢哋，咁至係朋友。」

對於何韻詩承認同性戀，祖兒支持對方。	HotCha成員Regen將身體傾斜45度扮米高積遜跳舞。	小齊將任火炬手，大感榮幸。

陳偉霆HotCha扮MJ

至於Eason早前在北京舉行巡迴演唱會，被傳做了換肝手術的父親陳裘大亦有現身，Eason對於被指狂接工作為爸爸「撲水」籌醫藥費，他笑說：「一言難盡啦！好窮呀！有冇幾舊水借嚟？啲膶好貴㗎！其實幫親人係天公地道嘅事，我好享受唱歌，如果唔唱歌都唔知識做啲咩。」至於與謝安琪傳緋聞，他直指是無中生有，幸好兩人相熟才不致尷尬。此外，祖兒、Eason和陳偉霆在節目中大跳勁舞，祖兒跳到露出小肚腩也不知，陳偉霆則跟HotCha扮米高積遜（MJ）跳舞，慘被Regen雙腳夾頭！