嫩模寫真集被踩賣弄性感，名模Lisa S.及姚書軼（Mikki）昨日為Yves Saint Laurent行騷時各持己見，Lisa公開支持嫩模，但Mikki則唱反調！Lisa驚訝周秀娜的驕人上圍，更打趣指可當枕頭：「我連A Cup都冇，着比堅尼好核突，嫩模着比堅尼好睇，我好歡迎佢哋！（擔心嫩模成為對手？）唔會，因為我係高級時裝模特兒，我好幸運，工作量冇因為佢哋而減少！」
至於Mikki則對周秀娜的「刷牙寫真相」甚有保留：「意識有啲奇怪囉！賣弄身材會減低神秘感，太暴露又會唔矜貴！（嫩模曇花一現？）冬天一到，佢哋唔着比堅尼，都有其他方法嘅！」
