昨日是書展舉行的第二天，一眾o靚模繼續落力宣傳寫真集，其中Rainbow雖然沒有在書展中舉行寫真集簽名會，卻到陳豪舉行簽名會的地方「踩場」，並與對方合照及索取簽名，成功搶去不少風頭！

Rainbow向陳豪索簽名及合照搶鏡，但陳豪直言不認識她！	Rainbow離開後，方力申（左）在同一地點宣傳，避過碰面機會。	Rainbow（右）買了Baby的寫真集，大讚夠靚！

由於曾與Rainbow傳緋聞的方力申於稍後時間亦在同一地點宣傳，問到會否等候小方及支持他？Rainbow說：「未必會買本書，但都支持佢。（送本寫真畀佢？）今日冇帶。」問到會否等小方到場打招呼？她竟說：「唔會喇！今日狀態唔係咁好。（狀態好先見？）唔係！我行一陣都會返屋企。」事後Rainbow果然言出必行，未等到小方，即急急離開簽名會現場。

買寫真集捧Baby

至於小方到場後，問到知否Rainbow在15分鐘前曾在同一地點現身？他顯然不欲多談，再問到如果Rainbow送寫真給他會否收下？他說：「咁有人送就冇理由唔收嘅。」而陳豪則表示不覺得被借作宣傳，可是他也直言不認識對方，更問記者Rainbow是誰！

另外，Rainbow在書展買了Angelababy的寫真集，但沒有買Kama的寫真集，她解釋因去年有買開Baby的寫真集，所以今年繼續捧場，還大讚Baby靚。閒逛期間，Rainbow被不少途人認出邀合照。