現年50歲的娜姐與22歲巴西男模Jesus分手，結束7個月關係！據稱娜姐向Jesus解釋要專心在歐洲舉行巡迴騷，分配不到時間給他，所以作出分手決定！雖然Jesus伴隨娜姐巡迴演出，但一直分開房瞓。

與前夫再做Friend

消息人士說：「Jesus好似隻被遺棄嘅小狗咁，用盡方法希望說服娜姐，佢哋應該喺一齊，但徒勞無功。Jesus同娜姐未來可能會結伴出席公開場合，因為對兩個嘅形象都有幫助，但娜姐講得好清楚，佢哋以後只會係朋友。」

據稱娜姐與前夫佳烈治近日和好變回朋友，佳哥經常參加娜姐的活動，習慣得到娜姐注意力的Jesus因此被忽視，他終於知道娜姐對他不是認真。消息人士說：「娜姐鍾意Jesus，因為佢英俊、床技好、可以隨意使喚、仲可以幫手照顧仔女，但娜姐唔會視佢為付託終身嘅對象。」

另外，有指Jesus感到佳哥比他成就更大，他與娜姐不是處於平等地位，所以感到自卑。而Jesus雖然喜歡娜姐的三名子女，但對三名子女來說，Jesus只是男保母，極其量只是大哥哥，並非一個父親。