早前Viann直斥吳佩慈破壞她與男友Peter的感情，導致分手，後來Peter發聲明力撐新歡，指吳佩慈並非第三者。昨日Viann出席活動時提到Peter的聲明內容與她所說有出入，她堅稱所說的是真相，更勞氣地說：「我唔會無中生有，喺呢行做咗五、六年，唔鍾意做新聞，亦唔會為個冇相干嘅人搞嘢！我啲朋友見住我同P先生咁多年都好支持我，當中有唔愉快，有人唔承認要埋沒良心係佢嘅選擇！」

問到會否覺得吳佩慈也被蒙在鼓裏？Viann不諱言雙方都受到傷害及被蒙騙，但她說：「唔可以扭曲事實，要我食死貓！（提點吳佩慈？）我冇資格教佢！佢醒目過我，我用咗好長時間睇清楚一個人！」她表示目前協助父親打理生意，不想被是非影響專業形象。

盧巧音從不避孕

另外，同場的盧巧音表示從沒有主動避孕：「食過一次避孕藥，當時三個月冇嚟經，醫生開畀我。」而Jocelyn亦表示最近才開始服避孕藥。