藝人歌手每次出席大型場合，都會化靚妝、Set靚頭、着靚衫，務求以最佳狀態示人。而黐假眼睫毛是不少女藝人重視的一環，但用過的假眼睫毛用完即棄既浪費又不環保，身為新一代的性感舞后鄭希怡（Yumiko）就教大家慳儉方法，她說：「我會用假眼睫毛，但唔會每次用完就掉，反而用過一次嘅眼睫毛，其實仲好用，因為冇新買嗰時咁硬身，會比較軟化，當然都要着重清潔啦！」
Yumiko表示一盒十對的假眼睫毛平均$100：「原本每日都要用一對，一個月就要$300，但若然每對重複用一次，加加埋埋每個月平均慳番$150，可以買多兩盒假眼睫毛，慳得幾多得幾多。」另外，藝人的潮爆衣着，很多時都只穿一次，甚為浪費，Yumiko說：「其實可以睇吓點襯啦！最緊要識得Mix & Match，當一件衫平均要幾百至過千，若然着多幾次，有唔同着法，閒閒哋可能慳番幾舊水。」
