焦媛的棟篤笑歌舞喜劇《容易受傷的女人》早前首演反應熱烈，現宣布於下月13日再度公演6場，焦媛將以王妃Look演繹王菲的金曲，與拍檔張達明在舞台上再擦火花。雖然（口靚）模最近鬥騷胸，但有舞台界性感豪放女之稱的焦媛，今次會收起火辣身材，還力撐（口靚）模性感無罪：「我認為係一件好事，短褲、背心畀人養眼係最Welcome嘅！但唔好硬Sell身材，可以發掘其他優點同天分，好似唱歌、跳舞咁，依家唔騷青春本錢，唔通等到60歲先騷咩！」