譚詠麟前晚擔任Swing音樂會的表演嘉賓，早前左腳受傷的他在台上演唱《愛情陷阱》時又唱又跳，更與Swing成員Jerald講笑說：「小心踢到我痛腳！」似乎未受腳患困擾。但事後阿倫接受訪問時卻趷趷腳，他說：「其實依家仲有啲痛。」
問到契仔關楚耀（Kelvin）的近況時，阿倫說：「最近冇搵佢，佢唔喺香港，返咗加拿大。」阿倫表示未有問Kelvin在加拿大的情況，但希望他做有意義的事，如進修音樂，他又笑說：「佢都廿幾歲人啦！唔使我督促。」問到有傳栢芝大肚，阿倫表示不相信：「我見佢喺後台跳嚟跳去，我有同栢芝傾偈，問佢奶奶。」他又指不用教授霆鋒「生女秘笈」，曾教人「生仔秘笈」的他笑說：「掉轉做囉！」
