笑言年中傳無限次有喜的栢芝，前晚撇下Lucas和老公霆鋒，與葉佩雯、家姐戴碧芝和細佬栢文等到九龍灣展貿，欣賞好友Eric的《Swing華山論劍音樂會》，栢芝與老公送上寫上「Good Show」的花籃，同場還有何超儀、劉浩龍和梁漢文等。盛傳有喜的栢芝甫到場惹來大批記者追訪，只見她穿上鬆身衫褲，兼戴閃爆鑽戒及挽Hermes袋，十足闊太！而她明顯心廣體胖，露出肥手臂又不時用手袋遮肚，當見到記者影相，即雙手合十拒受訪，令懷孕之說似層層。

栢芝（右一）與超儀（左一）同場睇騷，但全程零交流。	栢芝以手袋遮肚，舉動十足有喜！	因Lucas太精靈，令栢芝要照顧他而無暇生仔！

葉佩雯（右）殿後護實栢芝進場。

陳子聰（中）擔任Swing音樂會嘉賓。

Eric Kwok：佢懷孕都咁Fit

當譚詠麟上台唱《愛情陷阱》並搞氣氛叫全場跳舞時，栢芝卻「不錫肚」狂扭腰！當發現記者拍照時，她刻意跳慢板。而栢芝完騷後接受有線娛樂新聞台訪問，解開懷孕之謎：「一年365日，佢哋有360日都話我有BB，我都慣。本來我係想繼續生BB，但依家Lucas兩歲，好得意，係佢最得意嘅時候，我諗如果有BB嘅話，就唔可以抱佢同做其他活動，所以會將個計劃Delay（押後），珍惜同Lucas玩嘅時間。」談到陳慧琳初為人母，栢芝大讚對方散發母性：「女人一生BB，就識得照顧小朋友，我睇報紙見Kelly嘅新聞，叫親友探BB時要消毒洗手，係做媽咪嘅好開始。」問到栢芝是否有喜？Eric則說：「點解唔見一排就話佢有咗。（佢肥咗喎？）佢懷孕都咁Fit。」而栢文笑言都有大肚腩，問到姐夫霆鋒是否送車給家姐？栢文說：「係我送畀家姐。」

完騷後，栢芝乘坐舊唱片公司同事的座駕離開。

栢文代家姐栢芝接受訪問。

心情勁靚的栢芝，開騷前被誤會姍姍來遲：「我費事混亂入咗後台，出場前一兩分鐘先入座，點知有個女記者話我遲到，好奇怪，好多證人、觀眾睇到我一早入場，嗰刻有少少唔開心。」完騷後，栢芝乘坐舊唱片公司同事的座駕離開。