無綫翡翠及明珠台昨日凌晨直播MJ喪禮，並製作特備節目《全球追思米高積遜》，不過，追悼會尾段安排牧師為MJ祈禱一節，牧師着眾人低頭為MJ默哀，但這個感人環節，無綫竟然中斷畫面，鏡頭改接入錄影廠，播出《全》的3位主持王殷廷、黃志淙及張允芝的對話！另有觀眾指節目播出期間，有女主持不斷「索鼻」造成滋擾。本報除接到讀者投訴外，廣管局及無綫亦接獲投訴，指無綫不尊重MJ！另有投訴指明珠台主持李浩林的英語不流利。

放大圖片	牧師着眾人低頭為MJ默哀的片段，竟遭無綫中斷，改而插播直播室的情況！ 無綫電視圖片	網友狂插無綫直播安排失當，主持人表現亦不稱職。

TVB認衰：溝通不足

無綫外事部副總監曾醒明昨日承認，無綫在製作上出現溝通問題，造成美中不足，無綫謹此致歉：「當時呢個祈禱環節為時10幾秒，工作人員係Cut咗嗰邊畫面，接上《全》個節目去，到工作人員知道訊號未完，想轉番出去，但又見3個主持講緊嘢，所以冇即時轉出去，到要轉時嗰邊祈禱同默哀部分又完結，所以最後都冇轉出去，無綫要致歉！為咗補救，無綫會足本重播追悼會。」無綫雖狂接投訴，但觀眾人數狂升接近1倍，錄得有9點收視，達60萬觀眾人次。

另外，近日有超過14萬人次在網上重看懷疑MJ回魂的片段，另有網友狂轟無綫主持人，力斥其報道方式似「盛事」之餘，竟以「幸運兒」形容抽到入場券的歌迷，表現有欠尊重！至於陳偉霆前晚出席《奧海城向MJ致敬》活動後，即回家收看追悼會：「好多人好尊重同支持MJ，着晒黑色衫同戴紳士帽出席，好齊心！」現場有大批歌迷帶同心意卡出席。

文：影視組、音樂組