米高積遜（MJ）前晚舉行追悼會，汪詩詩及汪圓圓捱夜收看，詩詩更愈睇愈傷心，當MJ女兒上台向父親致詞時痛哭，令她最難忘：「MJ真係一個傳奇！死訊嚟得太突然，好似假咁！直至睇到直播追悼會，先真正感到佢真係死咗，好傷心！（電視台拍得疑似MJ回魂？）真係唔清楚！覺得佢嘅一生好悲情，好多地方都去唔到，冇得去旅行，好唔開心！」曾到訪夢幻國度的詩詩表示，該樂園並非人人可去，但她當時未有好好珍惜，令她十分後悔！