湯盈盈與洪天明早前齊齊慶祝生日，曾志偉、陳百祥、文頌嫻及姚樂怡等均有到賀。天明表示今次首次與盈盈合辦生日會，問到為何提早慶祝生日，他說：「盈盈要開工，志偉又要飛去第二度做嘢，而且要就埋其他朋友啲期，不過提早搞唔緊要，大家嗰晚玩得好開心！」期間，志偉起哄玩互抹蛋糕，壽星仔天明當然遭殃，他說：「係志偉搞人先嘅，之後咪一齊圍攻佢囉！不過好多朋友都中招！」此外，他坦言生日願望是盡快儲老婆本及生仔本，記者取笑他想「未婚生仔」時，他解釋：「我老竇急嘛！我有叫啲細佬快啲，不過睇佢哋都未有耐！（結婚即生仔？）咁又唔會！」