鄭嘉穎早前揚言若《烈火雄心3》收視超過40點，會動議全體男演員着泳褲，不過，同劇拍檔王喜昨日接受查小欣節目訪問時卻大唱反調：「如果收視跌到二十點，係咪要推出午門斬首呀？成績好唔好都要做嘢，係咪要演員實行問責制呀？」

問到是否與嘉穎不和，他晦氣地說：「唔知喎！」他表示與嘉穎之間只可以用「同事」來形容。查小欣要求他評價嘉穎時，王喜即婉拒：「我資歷淺，唔係前輩，冇資格！」

冇被邀請出席生日會

問到為何缺席無綫高層樂易玲的生日會時？曾跟對方掀罵戰的王喜又寸寸貢地說：「我唔知幾時，冇人通知、冇人請咁囉！不過我會打電話畀佢補祝生日！」至於被傳成為無綫另一高層陳志雲的「迷雲黨」成員，他指純屬笑話，並澄清幾年前已在電台認識陳志雲，故並非新寵。

此外，他又大呻拍《烈》劇時相當辛苦，皆因他拍劇前曾於西藏患上高山症及撞車跌落河，雖然沒有明顯傷痕，但每天孭着幾十磅重的消防裝備時，痛苦不足為外人道：「你哋唔會明，我個心口有幾痛！」而他更多番強調這是最後一次拍《烈》劇，但當查小欣追問原因時，他卻欲言又止：「我係咁認為，容許我咁認為啦！」令人費解。

文：音樂組