09/07/2009

播放本新聞相關短片

陳偉霆生吞八爪魚卵作嘔

洪卓立及陳偉霆（William）早前錄影無綫遊戲節目《千奇百趣》時分別作嘔見暈，幸最後並無大礙。事緣勝出的William以為能夠品嘗美食，卻被要求生吞八爪魚卵，令他嘔吐大作：「呢樣嘢真係人生中最難食嘅嘢！當時我叫工作人員煮熟先畀我食，但最後要我生吞！我對住鏡頭惟有死頂，但一Cut機就嘔！個感覺已經湧到上喉嚨，最後㩒住，好彩冇失禮咋！（仲敢唔敢上呢個節目？）我會安排番小儀上我個《大咕窿》，要佢擒上塊高板度！」
慘被「泰山壓頂」的洪卓立，作狀暈倒。
  • 慘被「泰山壓頂」的洪卓立，作狀暈倒。

而洪卓立大病後亦小心飲食，但他表示八爪魚卵如滑潺潺的番梘，聞一聞已經想暈。此外，《千》因反應理想，故無綫計劃在最後一集介紹香港奇趣。