每個人都有機會遇上人生低潮，出身富裕的莊思敏亦不例外，有次她因心情極差而自困車廂，一名好心人路過，擔心她自殺而拍打車窗，並加以安慰，令她感到人間溫暖，她說：「當時心情好差，我伏喺司機位嘅軚盤上，突然有個好心男人拍我車窗，問我有冇事？我估佢以為我自殺。後來佢放完狗行番轉頭，買咗支水同麵包畀我，真係好感動！（因為認得你係模特兒？）哈！我當時冇化妝又戴住眼鏡，應該唔認得。」
莊思敏認為香港人的保護意識較強，難得遇上熱心人，更值得嘉許：「香港人唔係冇同情心，而係怕麻煩同驚畀人呃，所以寧願當睇唔到。不過，我覺得人需要互相幫助，好似喺街遇到外國遊客問路，我見有啲人會避開，但我就會主動問佢哋使唔使幫手，甚至帶佢哋去目的地，令遊客對香港留下好印象，可能會推動埋香港旅遊業呢！」
