樂壇新貴G.E.M.（鄧紫棋）憑可愛性格，獲廣告商垂青取代江若琳，成鐳射新任代言人，廣告商更特意要求她在廣告中施展拿手好戲「金魚嘴」，令連續十小時「變臉」的G.E.M.大感吃力：「我覺得挑戰緊鬼臉極限，啲金魚嘴我做到冇晒貨！」據知，廣告商與G.E.M.合作，因與她的身邊人相熟，不過G.E.M.助手卻否認：「都係經中間人接㗎咋！」G.E.M.表示視江若琳為奮鬥目標，希望廣告播出後亦會受歡迎。
至於江若琳經理人則說：「我哋同廣告商合作得好愉快，只係每間公司都有自己嘅政策，今次我哋配合唔到啫！」另外，江若琳前晚拍攝新歌《有請下位》MV，她澄清周柏豪並非狂追她的男星：「唔係佢！我都戥佢慘，被扯落水，我冇打畀佢，因為我啱啱喺泰國返嚟，但會同佢講聲唔好意思。」
