名模Rosemary昨日以Fit爆身材擔任《香港時裝周2010春夏系列的PT Crea-Con時裝騷》模特兒，對於周汶錡（Kathy）與偷食男Julien重修舊好，她聞言即讚好：「It's good！只要Kathy開心就得！我哋唔知情況，唔可以多講！」

模特兒示範最新春夏時裝。

與馬詩慧（右）結伴睇騷的汪詩詩（左），表示老公想再造人。

冇試過捉姦在床

Rosemary坦言以前得知男友「偷食」時，會不知如何處理：「我只係聽朋友講，唔敢問男友咩事！依家知道要問清楚！我學識要誠實同埋忠於自己嘅感情。」她透露曾有好友通風報訊指其男友「偷食」，自己亦懷疑男友背叛她，故萌起報復念頭：「冇親眼見到，亦冇試過捉姦在床，我要親眼見到先信！其實我以前都試過對男友唔誠實，因為妒忌同想報復，我會同其他男仔調情！」問到可會因男友偷食而丟面，她說：「視乎情況，如果係我唔好，抵我喇！如果兩個人感情好好，對方都偷食，咁就好離譜好丟面。」

另外，汪詩詩亦有到場睇騷，她透露老公甄子丹想多生幾個BB：「湊兩個已經好辛苦，我想畀多啲時間照顧佢哋，我諗住做全職媽媽，但暫時兼顧唔到，要犧牲！」