08/07/2009

播放本新聞相關短片

城城鍊車減壓怕見熊

本文重點
郭富城新片低調舉行首映,但未見緋聞女友熊黛林撐場,每當提起熊黛林時,城城都以好友張智霖及沈嘉偉作擋箭牌。

由郭富城與張鈞甯主演的新片《殺人犯》前晚在浪琴錶贊助下舉行首映禮,雖然電影公司不招待傳媒採訪,但仍吸引大批記者到場,大家十分期待城城的緋聞女友熊黛林出現,可惜最後未見蹤影,其他到場嘉賓包括古巨基、蘇永康及草蜢。

二萬元名錶抽獎

在首映後的派對上,浪琴錶送出價值兩萬零二百元的Longines Admiral名貴腕錶抽獎,結果張叔平成為幸運兒。問到緋聞女友熊黛林為何未有現身,他說:「佢都話遲啲會自己買飛入場睇啦!(你同佢一齊睇?)唔會啦!我之後要拍戲。」

城城透露拍畢《殺》片後,經常夢見自己殺害一名女孩,為放鬆心情及抽離精神分裂的角色,他刻意到外地賽車,又不時相約好友張智霖及沈嘉偉打波食飯:「當時佢哋都話我眼神好怪!(女性朋友呢?)嗰排好少見朋友。(怕嚇親女仔?)唔關事,拍戲要專注工作!(拍拖嚟放鬆心情?)咁咪同朋友打波囉!冇乜人可以平復。」

下月城城將會到台灣開騷,屆時將邀約張鈞甯吃麻辣火鍋,問到會否擔心傳緋聞,他說:「唔怕!每個人都唔會介意,你哋(記者)都可以一齊嚟!(熊黛林呢?)……你哋收番支咪啦!」而同場的張鈞甯悉心打扮到場,她表示戲中與郭富城飾演夫妻,大讚對方眼神投入。

影視組